San Martiño de Xubia

Deixo aquí unhas imaxes propias sacadas de gravacións máis longas que tomei do Mosterio do Couto, lugar onde fun bautizado, por certo, e un edificio medieval que paga a pena visitar. Se queredes pasarvos a visitalo penso que xa volven a oficiar misas nel e está aberto ao público (ata vai pouco estaba en reformas pero penso que quedouse en proxecto). De todos modos se vos pasades calquera día seguramente atopedes a unha muller alí que vos amosara o lugar e as diferentes dependencias con moito gusto pero, a cambio, iso si, deberedes contestar con seguridade a moitas preguntas persoais que pode que vos faga. Sempre é unha novidade ter algunha visita por alí e poder contarlle ás amigas do coro quen pasou polo mosteiro (sí, a lo menos cando fun eu a muller díxome que tiñan un coro parroquial) e, a poder ser, a súa vida persoal e especialmente o seu parentesco. Aí quedan.